en_GB English (UK)
en_GB English (UK) gl_ES Galego es_ES Español
The Camino Inglés

Newsletter and Press release

Press release
Asociación e Deputación asinan un convenio para investir máis de 473.000 euros na mellora e posta en valor do Camiño Inglés
18/11/2022

O presidente da Deputación, Valentín González Formoso, e o presidente da Asociación de Concellos do Camiño Inglés, Manuel Mirás, asinaron hoxe un convenio de colaboración polo que o organismo provincial destinará 342.414,54 euros a sufragar o 72,37% do orzamento total dun proxecto que contempla actuacións de mellora e posta en valor desta ruta xacobea. Un investimento que ascende a un total de 473.131,80 euros.
A Asociación de Concellos do Camiño Inglés imparte o primeiro curso da Rede Stelar, que busca mellorar o servizo de aloxamento que se presta aos peregrinos
27/10/2022

As instalacións do Pazo de Mariñán (Bergondo) acolleron esta mañá a sesión teórica do curso “Rexeduría de pisos: gobernanta, camareiros/as de pisos e técnicas de limpeza en aloxamentos”, unha iniciativa formativa gratuíta organizada pola Asociación de Concellos do Camiño Inglés e a Deputación da Coruña que está dirixida a todos os establecementos da Rede Stelar que prestan servizo de aloxamento aos peregrinos.
Unha proposta pouco razoada de eliminar os albergues públicos
25/10/2022

O presidente dos empresarios de Arousa, José Luis Vilanova, dixo dúas cousas: unha que resulta difícil non asinar e outra que entra no terreo da incomprensión. Da súa. A primeira é que o turismo no Salnés debe ser de calidade, buscando a excelencia. A segunda, que hai que pechar todos os albergues públicos do Camiño de Santiago.

Nava Castro e Manuel Mirás inauguran oficialmente o proxecto “O Camiño Inglés na Escola”
21/10/2022

O presidente da Asociación de Concellos do Camiño Inglés, Manuel Mirás, e a directora de Turismo de Galicia, Nava Castro, inauguraron oficialmente este mediodía o proxecto “O Camiño Inglés na escola”, un proxecto educativo que pretende sensibilizar e difundir os valores xacobeos entre os nenos e nenas de educación primaria dos 16 municipios polos que discorre esta ruta de peregrinación. Unha presentación que tivo lugar diante dunha vintena de nenos e nenas de 3º de Primaria do CEIP Plurilingüe do Camiño Inglés de Sigüeiro (Oroso).
Oitenta nenos e nenas do CEIP Francisco Vales Villamarín de Betanzos participan no proxecto educativo “O Camiño Inglés na escola”
18/10/2022

Uns oitenta alumnos e alumnas de 3º de Primaria do CEIP Francisco Vales Villamarín de Betanzos participaron no proxecto educativo “O Camiño Inglés na escola”, unha iniciativa da Asociación de Concellos do Camiño Inglés para sensibilizar aos estudantes de educación primaria dos 16 municipios polos que discorre esta ruta xacobea a través da difusión dos valores xacobeos.
A Asociación de Concellos do Camiño Inglés pon en marcha en Pontedeume o proxecto educativo “O Camiño Inglés na escola”
17/10/2022

Un total de 39 alumnos e alumnas de 2º e 3º de Primaria do CPR La Grande Obra de Atocha de Pontedeume participaron na primeira sesión de “O Camiño Inglés na escola”, un proxecto educativo posto en marcha pola Asociación de Concellos do Camiño Inglés. Unha iniciativa que nace coa vocación de sensibilizar aos estudantes de educación primaria dos 16 municipios polos que discorre esta ruta xacobea a través da difusión dos valores xacobeos.
Investigadoras da Facultade de Turismo da Universidade da Coruña farán un estudo para determinar o perfil do peregrino do Camiño Inglés
14/10/2022

As profesoras da Facultade de Turismo da Universidade da Coruña Antonia Pérez García e Iria Caamaño Franco realizarán un estudo demoscópico sobre a demanda turística no Camiño Inglés para identificar o perfil das persoas que peregrinan a Compostela escollendo esta ruta. O informe está promovido pola Asociación de Concellos do Camiño Inglés. Esta mañá o seu presidente, Manuel Mirás, compartiu co reitor da UDC, Julio Abalde, os detalles do acordo entre ambas as dúas institucións.
A Asociación de Concellos do Camiño Inglés aproba unha revisión de prezos de 65.000 € para acometer actuacións de mellora nesta ruta xacobea
10/10/2022

A Asociación de Concellos do Camiño Inglés, reunida en asemblea xeral extraordinaria no Edificio Liceo de Betanzos, deu luz verde ao proxecto “Mellora e posta en valor do Camiño Inglés”, que inclúe 32 actuacións de mellora da sinalización, alumeado, pavimentación e seguridade no Camiño Inglés ao seu paso polos 16 municipios que integran a asociación.

Social Media