Press release
Correos acolleu esta mañá en Santiago de Compostela unha xornada de presentación da súa plataforma de venda en liña, Correos Market, a unha vintena de produtores e pequenos comercios dos 16 municipios integrados na Asociación de Concellos do Camiño Inglés.
A Asociación de Concellos do Camiño Inglés organiza unha xornada formativa dirixida a persoas e empresas pertencentes a un dos 16 municipios e que desexen sumarse á plataforma Correos Market para vender os seus produtos a calquera punto de España dun xeito sinxelo e seguro. Unha formación que terá lugar o xoves 7 de abril na sede principal de Correos en Santiago de Compostela (rúa do Franco, número 4). Inscricións totalmente de balde no 881 150 099 ou no mail info@caminoingles.gal ata completar prazas.
Correos asinou hoxe un acordo de colaboración coa Asociación de Concellos do Camiño Inglés para promover a venda de produtos elaborados por emprendedores presentes nesta Ruta Xacobea a través de Correos Market. Ao acto asistiron o presidente da Asociación de Concellos do Camiño Inglés, Manuel Mirás, o director xerente de Correos Market, Iván Maroto López e a directora de Relacións Institucionais, Filatelia, Estudos e Futuro de Correos, Leire Díez Castro.
A Asociación de Concellos do Camiño Inglés homenaxeará a José Santiso Miramontes, alcalde de Abegondo, no marco da edición de 2022 de Primavera no Camiño, que terá lugar no concello de Oroso o sábado 4 de xuño. Así o anunciou o presidente da Asociación de Concellos do Camiño Inglés, Manuel Mirás, durante a asemblea xeral da entidade, que tivo lugar o pasado venres no pazo de Mariñán.
A sede de Afundación acolle desde esta mañá e ata o vindeiro 29 de abril a mostra “O debuxo é o Camiño. O Camiño Inglés”, unha exposición que nace do Camiño percorrido pola ilustradora catalá Maru Godás e a irlandesa Róisín Curé, que no verán pasado contaron a súa experiencia no Camiño Inglés a través das súas ilustracións e redes sociais.
A Asociación de Concellos do Camiño Inglés organizou o itinerario que percorreron unha trintena de nenos e nenas do CEIP Plurilingüe de Sigüeiro, de catro anos de idade, na que foi a súa primeira saída escolar despois de dous anos de pandemia.
A Asociación de Concellos do Camiño Inglés continúa a mediar entre os representantes das catedrais de Durham e Santiago de Compostela, inicio e final desta ruta xacobea, para que ambas entidades estreiten lazos de comunicación e amizade.
Unha delegación da Asociación de Concellos do Camiño Inglés e da Deputación da Coruña participou esta fin de semana nunha peregrinación entre a Abadía de Finchale, inicio do Camiño Inglés, e a localidade de Durham, no nordeste da Inglaterra.
O Camiño Inglés estrea unha rede de 28 fontes públicas de auga potable emprazadas nos 18 municipios que conforman esta ruta xacobea: a primeira das súas características dentro dun itinerario cultural en Europa. Un proxecto que cubre as necesidades das persoas que peregrinan polo Camiño Inglés pero que tamén dará servizo á poboación local.
O Camiño Inglés estrea unha rede de 28 fontes públicas de auga potable emprazadas nos 18 municipios que conforman esta ruta xacobea: a primeira das súas características dentro dun itinerario cultural en Europa. Un proxecto que cubre as necesidades das persoas que peregrinan polo Camiño Inglés pero que tamén dará servizo á poboación local.
English (UK) 
Galego 
Español 
