Miño - Betanzos

Aquí o peregrino terá un descenso entre viñedos. Un viño que tiña gran fama e era moi desexado pola Mariña británica. A partir de aí comeza unha subida a un templo neoclásico, algo estraño en Galicia: a Nosa Señora do Camiño, tamén chamada Os Remedios. Cruzando a ponte sobre o Mandeo, entramos en Betanzos pola porta da Ponte Vella, unha das cinco da antiga muralla. É inevitable a visita ás súas igrexas, especialmente a de San Francisco, co cenotafio de Fernán Pérez de Andrade e que resulta ser o mellor de Galicia deste tipo, do mesmo xeito que será inevitable caer nas delicias gastronómicas que ofrece esta cidade.