A vía terrestre dende Winchester ou Londres vía Canterbury ata Roma, utilizando a Via Francingena, está na orixe do Pilgrim’s Way. O fluxo de peregrinos a Roma pode non ter sido moi numeroso, mais logo da morte do arcebispo de Canterbury, Thomas Becket, en 1170, houbo un motivo máis para viaxar a esta cidade. Becket foi asasinado por seis cabaleiros que pensaron erroneamente que estaban seguindo as ordes do rei Enrique II, anoxado pola lealdade de Becket á Igrexa en vez de a el. Becket foi canonizado tan só tres anos despois da súa morte. En 1174, Enrique II fixo a súa propia peregrinación a Canterbury como penitente descalzo.