gl_ES Galego
gl_ES Galego es_ES Español en_GB English (UK)
Etapas

O Camiño Inglés desde A Coruña

Esta ruta de 73.7 quilómetros, coñecida como o Camiño do Faro, separa as cidades da Coruña e Santiago de Compostela. Pode realizarse en tres ou catro etapas

Scroll
 As etapas do Camiño Inglés desde A Coruña
  1. A Coruña – Sergude
  2. Sergude – Bruma
  3. Bruma – Sigüeiro
  4. Sigüeiro – Santiago de Compostela

A cidade Herculina no Camiño Inglés desde A Coruña é, desde tempos medievais, o principal porto de chegada daqueles peregrinos e navegantes do norte que, seguindo o ronsel marcado polo descubrimento da tumba do Apóstolo, sentían o afán de chegar a Santiago de Compostela e arribaban á costa galega.

A cidade xa era porto de acollida de navegantes desde tempos romanos, guiados polo seu coñecido faro: a Torre de Hércules. Por iso, o Camiño Inglés desde A Coruña é coñecido como Camiño do Faro.

O momento álxido e de esplendor sucede no século XV, cando os barcos cargados con mercadoría chegaban ao porto tamén con pasaxeiros. Estes peregrinos percorrían a distancia ata Compostela mentres a tripulación descargaba e cargaba a nova mercadoría cara ás terras do norte. Os rexistros do porto, cos permisos destas estibas, actúan como notarios desta realidade e notoriedade da importancia do Camiño Inglés nesta época, dándose unha maior actividade cdurante os períodos xacobeos.

Mapa de etapas de A Coruña a Santiago de Compostela
As diferentes etapas desde A Coruña

Os 73.7 quilómetros que separan A Coruña e Santiago de Compostela poden realizarse de varias formas. Xeralmente, o Camiño Inglés desde A Coruña realízase en tres ou catro etapas. Os puntos de chegada de cada etapa son Sergude, Bruma, Sigüeiro e Santiago, aínda que os peregrinos máis aventureiros realizan a primeira etapa desde A Coruña directamente ata Bruma (33 km).

A posibilidade de facer o Camiño Inglés en polo menos catro etapas, convídanos a coñecer a contorna dunha maneira máis sosegada, descubrindo dunha forma máis profunda os atractivos dos diferentes concellos polos que avanza o Camiño. Desta maneira tamén poderemos contactar dunha maneira máis auténtica co hospitalario pobo galego que, como bos anfitrións, acollerán e axudarán aos seus visitantes no seu andar cara á meta do Camiño.

 As etapas do Camiño Inglés desde A Coruña
  1. A Coruña – Sergude
  2. Sergude – Bruma
  3. Bruma – Sigüeiro
  4. Sigüeiro – Santiago de Compostela
DESCARGAR FOLLETO

Inicio de ruta Fin de ruta Albergues públicos Albergues privados Outros establecementos Puntos de información turística Aeropuertos Autobuses Trenes

Esta etapa que parte da cidade herculina pasa por un trazado urbano durante parte dos 20 km que compoñen o traxecto.

Etapa de 13 km que é fisicamente moi esixente pola longa subida, pero ao mesmo tempo moi gratificante pola paisaxe.

Bosques e edificios medievais serán a paisaxe desta etapa cun perfil maioritariamente descendente ao longo de máis de 24.2 km.

Os 16.5 km da derradeira etapa do Camiño ofrecen incribles espazos naturais que atravesan o río Tambre e o Bosque Encantado.