Penúltima etapa do Camiño Inglés

Bruma - Sigüeiro

  • DIFICULTADE Baixa
  • LONXITUDE 24.2Km
  • DURACIÓN ESTIMADA 6h
S

e a etapa anterior destaca polas subidas, esta é polo contrario: dende Bruma a Sigüeiro vaise descendendo de xeito gradual. Nas dúas primeiras horas, o peregrino pasará diante de tres templos moi interesantes: Ardemil, San Paio de Buscás e Calle. Ademais, de seguro que fará unha parada na igrexa de San Paio, atraído pola figura policromada do santo e por unha fachada xenerosa en espectaculares elementos que denotan a súa orixe románica.

O Camiño Inglés por albergues

O resto da etapa Bruma – Sigüeiro son bosques, con algún tramo marabilloso como o que parte da aldea dos Carrás. Curto, pero que conserva o mesmo aspecto que tiña na Idade Media. O peregrino recoñecerao sen problemas pola súa beleza.

Unha hora antes de chegar a Sigüeiro, o camiñante recuperará forzas na Fonte da Santiña, igual que fixo o Pai Sarmiento no século XVIII. Despois pasará a carón de dous castros e chegará a Sigüeiro a través doutro tramo medieval, que se adentra no parque do Carboeiro, salvando o río que lle dá nome por unha histórica ponte.

Puntos de interés

Mapa

Inicio de ruta Fin de ruta Albergues públicos Albergues privados Outros establecementos Puntos de información turística Aeropuertos Autobuses Trenes