Galego 
Español 
English (UK) 
Betanzos - Bruma
- DIFICULTADE Media
- LONXITUDE 24.1Km
- DURACIÓN ESTIMADA 8h
etapa Betanzos - Bruma diferénciase por ser a máis esixente, pero sen que isto indique que encerra unha gran dificultade. Aínda así, é a máis dura para a maioría dos peregrinos. Xa nada máis saír de Betanzos pola ponte das Cascas, supervivente un pouco de casualidade da guerra contra os soldados de Napoleón, empeza a primeira costa. Montañas, bosques e tres igrexas rurais describen o percorrido.
O Camiño Inglés por albergues
Eses tres templos son os de Cos, o santuario da Nosa Señora da Saleta (en Presedo, onde a vexetación impide velo pero está tan só a un cento de metros do Camiño Inglés) e a igrexa de Leiro. A maiores habería que sumar unha capela humilde pero que se alza nun entorno con mesas e bancos que o peregrino agradece: a das Travesas. E é precisamente nesta aldea onde se xuntan os dous ramais do Camiño Inglés, o que arranca de Ferrol e o que parte da Coruña.
So quedan pouco máis de dous quilómetros para chegar ao albergue público de Bruma. Iso si, unha parte deles esixe prudencia xa que se camiña á beira da estrada xeral. Unha vez en Bruma é raro quen non tira unha foto diante da capela de San Lourenzo, que é o que queda do hospital de peregrinos que existiu en tempos medievais.
