Primeira etapa desde Ferrol

Ferrol - Neda

  • DIFICULTADE Baixa
  • LONXITUDE 15.4Km
  • DURACIÓN ESTIMADA 4h
A

etapa Ferrol - Neda parte desde o mesmo porto de Curuxeiras, e cruzando a cidade ilustrada a través da rúa Real, deixaremos á nosa dereita a zona naval-militar. De feito, nesta primeira etapa camiñaremos co mar á nosa dereita case toda a ruta.

O Camiño Inglés por albergues

A primeira parte preséntanos o primeiro Ferrol, un castro costeiro, e ofrécenos un percorrido por ambas as dúas ribeiras da ría. Ademais dos monumentos que ofrece a cidade, entre eles a concatedral de San Xiao e o convento de San Francisco, os peregrinos van atopar o mosteiro de San Martiño de Xubia, que no seu día foi dúplice (de relixiosos e relixiosas). Paga a pena ir á parte de atrás a admirar as súas tres magníficas ábsidas románicas. No seu atrio, e diante da torre do século XVIII, hai un sartego medieval.

Despois de 15 km chegamos a Neda. Agora ti decides se quedas nesta poboación ou continúas cara a Pontedeume, para a cal restan 16 km máis.

Puntos de interés

Mapa

Inicio de ruta Fin de ruta Albergues públicos Albergues privados Outros establecementos Puntos de información turística Aeropuertos Autobuses Trenes