O Camiño Inglés SLOW

Percorre o Camiño Inglés en etapas máis curtas. O importante é desfrutar de cada quilómetro do Camiño, ao teu ritmo.

Scroll

Propoñemos un xeito de percorrer o Camiño Inglés tranquilo, Slow, completando cada etapa do Camiño gozando máis do contorno e das vilas ao seu paso en cada etapa do camiño. O peregrino pode acurtar a distancia cada día, facendo unha media de 12  ou 15 km por etapa. Isto darache a oportunidade de coñecer mellor todo o patrimonio cultural, natural e as xentes do lugar… Ti elixes!

Con esta opción, o peregrino poderá conectar aínda máis con toda a espiritualidade que ofrece esta viaxe, coñecer mellor diversos lugares espectaculares durante a súa ruta ou visitar monumentos que doutro xeito se perderían, así como gozar na tempada estival dun refrescante mergullo nas magníficas praias ou ríos polos que pasa o Camiño Inglés, sen perder de vista o obxectivo principal, que é a chegada á catedral de Santiago.

Partindo de Ferrol, os peregrinos irán a Neda na primeira etapa e dende alí seguirán ata Pontedeume na segunda. Unha das novidades do Camiño Inglés SLOW aparece o terceiro día xa que o destino desta etapa será a fermosa localidade de Miño, onde o viaxeiro poderá gozar da súa contorna. O seguinte treito levaríanos á Cidade dos Cabaleiros en Betanzos, unha das vilas máis históricas de Galicia.

Concello de Ferrol Concello de Neda Concello de Pontedeume Concello de Miño Concello de Betanzos Concello de Abegondo Concello de Mesía Concello de Ordes Concello de Oroso Concello de Santiago de Compostela Concello de A Coruña Concello de Carral

Unha vez que saímos de Betanzos, o seguinte punto e seguido polo Camiño Inglés será Presedo en Abegondo. O peregrino nesta viaxe mergullarase na natureza galega rodeado de ríos con paisaxes espectaculares ao carón do Camiño. Desde Abegondo a ruta leva a Bruma nun curto percorrido de 10 km pero ideal para recuperar forzas nunha zona única.

Os derradeiros 40 quilómetros do Camiño Inglés serán compartidos cos peregrinos que veñen da Coruña, xa que desde Bruma a ruta é a mesma cara a Santiago.

Se a orixe foi a Cidade de Cristal, debemos prepararnos para unha primeira etapa de 20 km que remata en Sergude, onde poderás descansar no albergue de peregrinos. Ao día seguinte, agárdanos unha subida sostida que nos poñerá a proba, coñecida como A Costa do Peito, para rematar a xornada en Bruma.

Ao saír de Bruma, a ruta do Camiño Inglés SLOW lévanos á parroquia de Poulo, en Ordes, onde veremos os seus cruceiros e o albergue de peregrinos recentemente inaugurado.

A penúltima etapa daranos a benvida en Sigüeiro, onde recuperaremos forzas para afrontar a última etapa da nosa viaxe que está destinada á marabillosa catedral de Santiago de Compostela.

Desde Ferrol

Esta primeira etapa percorre a cidade de Ferrol, dende o porto, ata chegar a Neda. Ao longo de 15,4 km poderás desfrutar da arquitectura e dos parques desta cidade.

Igrexas, mar, e moito mais. Esta etapa percorre 12,9 km. A ruta iníciase xunto á ría de Ferrol para adentrarse na natureza do lugar e chegar á vila de Pontedeume.

Dende a rúa Real percorreremos unha distancia de 9,2 Km paseando preto da costa e pasando xunto o castelo dos Andrade, a ponte Baxoi e a desembocadura do río Lambre.

Esta etapa consiste en algo máis de 10 km nos que iremos á estación de tren desta localidade costeira ata chegar á porta da Ponte Vella de Betanzos.

A seguinte etapa de 13,5 km é bastante esixente porque é unha ruta sinuosa con moitas pendentes e ondulacións, polo que non é mala idea o Camiño Inglés SLOW para facelo máis soportable.

Nesta zona de Abegondo iniciaremos unha nova etapa que rematará en Bruma e tamén teremos que afrontar un desnivel considerable, aínda que cunha quilometraxe inferior á ruta anterior.

Se a etapa anterior caracterizárase polas subidas e fortes pendentes que requerían un esforzo adicional dos peregrinos, neste tramo hai un descenso gradual de 12 km que chegará a Poulo no concello de Ordes.

A penúltima etapa do Camiño Inglés consta de 12 km, deixando a vila de Poulo no concello de Ordes e tendo a súa chegada en Sigüeiro, unha localidade do concello de Oroso.

Os 16,5 km da derradeira etapa do Camiño ofrecen incribles espazos naturais que atravesan o río Tambre e o Bosque Encantado.

Desde A Coruña

Esta etapa que parte da cidade herculina pasa por un trazado urbano durante parte dos 20 km que compoñen o traxecto.

Etapa de 13 km que é fisicamente moi esixente pola longa subida, pero ao mesmo tempo moi gratificante pola paisaxe.

Se a etapa anterior caracterizárase polas subidas e fortes pendentes que requerían un esforzo adicional dos peregrinos, neste tramo hai un descenso gradual de 12 km que chegará a Poulo no concello de Ordes.

A penúltima etapa do Camiño Inglés consta de 12 km, deixando a vila de Poulo no concello de Ordes e tendo a súa chegada en Sigüeiro, unha localidade do concello de Oroso.

Os 16,5 km da derradeira etapa do Camiño ofrecen incribles espazos naturais que atravesan o río Tambre e o Bosque Encantado.

Asociación de Concellos do Camiño Inglés