gl_ES Galego
gl_ES Galego es_ES Español en_GB English (UK)
O Camiño Inglés

Novas e curiosidades

Categoría: Actualidade do Camiño
Oitenta nenos e nenas do CEIP Francisco Vales Villamarín de Betanzos participan no proxecto educativo “O Camiño Inglés na escola”
18/10/2022

Uns oitenta alumnos e alumnas de 3º de Primaria do CEIP Francisco Vales Villamarín de Betanzos participaron no proxecto educativo “O Camiño Inglés na escola”, unha iniciativa da Asociación de Concellos do Camiño Inglés para sensibilizar aos estudantes de educación primaria dos 16 municipios polos que discorre esta ruta xacobea a través da difusión dos valores xacobeos.
A Asociación de Concellos do Camiño Inglés pon en marcha en Pontedeume o proxecto educativo “O Camiño Inglés na escola”
17/10/2022

Un total de 39 alumnos e alumnas de 2º e 3º de Primaria do CPR La Grande Obra de Atocha de Pontedeume participaron na primeira sesión de “O Camiño Inglés na escola”, un proxecto educativo posto en marcha pola Asociación de Concellos do Camiño Inglés. Unha iniciativa que nace coa vocación de sensibilizar aos estudantes de educación primaria dos 16 municipios polos que discorre esta ruta xacobea a través da difusión dos valores xacobeos.
Investigadoras da Facultade de Turismo da Universidade da Coruña farán un estudo para determinar o perfil do peregrino do Camiño Inglés
14/10/2022

As profesoras da Facultade de Turismo da Universidade da Coruña Antonia Pérez García e Iria Caamaño Franco realizarán un estudo demoscópico sobre a demanda turística no Camiño Inglés para identificar o perfil das persoas que peregrinan a Compostela escollendo esta ruta. O informe está promovido pola Asociación de Concellos do Camiño Inglés. Esta mañá o seu presidente, Manuel Mirás, compartiu co reitor da UDC, Julio Abalde, os detalles do acordo entre ambas as dúas institucións.
A Asociación de Concellos do Camiño Inglés aproba unha revisión de prezos de 65.000 € para acometer actuacións de mellora nesta ruta xacobea
10/10/2022

A Asociación de Concellos do Camiño Inglés, reunida en asemblea xeral extraordinaria no Edificio Liceo de Betanzos, deu luz verde ao proxecto “Mellora e posta en valor do Camiño Inglés”, que inclúe 32 actuacións de mellora da sinalización, alumeado, pavimentación e seguridade no Camiño Inglés ao seu paso polos 16 municipios que integran a asociación.
O Camiño Inglés: unha ruta xacobea medieval no século XXI
29/09/2022

A icónica igrexa de Santiago da Coruña, punto de comezo do Camiño Inglés na Coruña, acolleu na noite de onte, mércores 28 de setembro, a presentación do libro “O Camiño Inglés: unha ruta xacobea medieval no século XXI”, obra de Cristobal Ramírez, periodista e cronista oficial do Camiño Inglés.

CaminoIngles
Cando facer o Camiño Inglés? Outono e inverno
16/09/2022

Cando facer o Camiño Inglés é unha das moitas preguntas que se fai os peregrinos e peregrinas á hora de comezar esta fantástica aventura. O Camiño de Santiago, polo xeral, xera moitas inquedanzas sobre todo pola metereoloxía. Por ese motivo saber cando facer o Camiño Inglés ou o de Santiago é moi importante no momento de facer a mochila e seleccionar os obxectos que levaremos para protexernos do tempo.
Camiño Celta: por que deberías empezar o Camiño Inglés en Irlanda
03/08/2022

A organización Camino Society Ireland estivo investigando, definindo e recoñecendo unha rede de auténticas rutas de peregrinación en Irlanda, o que permite aos peregrinos modernos comenzar a súa viaxe polo Camiño en casa, en chan irlandés. Caminar 25 km en Irlanda antes de viaxar a Galicia para completar a ruta de 75 km do Camiño Inglés desde a cidade da Coruña a Santiago coñecese como o Camiño Celta; todo aquel que finalice o Camiño Celta pode obter a Compostela ao chegar á catedral de Santiago. Jim McNicholas, presidente de Camino Society Ireland, explica nesta entrevista por que é unha boa idea comezar a peregrinación en Irlanda.
Turoperadores de Italia visitan o Camiño Inglés para coñecer esta ruta e poder ofrecer viaxes organizadas á súa clientela
01/07/2022

A Asociación de Concellos do Camiño Inglés organizou esta semana unha viaxe de familiarización con esta ruta xacobea para dous turoperadores italianos da Opera Romana Pellegrinaggi, Francesco Cocco e John D´Orazio, e o diácono Giancarlo Gandini, da diócese de Roma. Unha viaxe que é consecuencia directa da presentación realizada o pasado mes de maio no Centro Multimediale Interactivo de Roma e na que se contou coa colaboración da oficina de Turespaña en Roma e a Deputación da Coruña.

Social Media