O Camiño Inglés

Novas e curiosidades

Categoría: Información xeral

Camiño Celta: por que deberías empezar o Camiño Inglés en Irlanda

A organización Camino Society Ireland estivo investigando, definindo e recoñecendo unha rede de auténticas rutas de peregrinación en Irlanda, o que permite aos peregrinos modernos comenzar a súa viaxe polo Camiño en casa, en chan irlandés. Caminar 25 km en Irlanda antes de viaxar a Galicia para completar a ruta de 75 km do Camiño Inglés desde a cidade da Coruña a Santiago coñecese como o Camiño Celta; todo aquel que finalice o Camiño Celta pode obter a Compostela ao chegar á catedral de Santiago. Jim McNicholas, presidente de Camino Society Ireland, explica nesta entrevista por que é unha boa idea comezar a peregrinación en Irlanda.

Turoperadores de Italia visitan o Camiño Inglés para coñecer esta ruta e poder ofrecer viaxes organizadas á súa clientela

A Asociación de Concellos do Camiño Inglés organizou esta semana unha viaxe de familiarización con esta ruta xacobea para dous turoperadores italianos da Opera Romana Pellegrinaggi, Francesco Cocco e John D´Orazio, e o diácono Giancarlo Gandini, da diócese de Roma. Unha viaxe que é consecuencia directa da presentación realizada o pasado mes de maio no Centro Multimediale Interactivo de Roma e na que se contou coa colaboración da oficina de Turespaña en Roma e a Deputación da Coruña.

Máis de 3.000 persoas desfrutan en Sigüeiro da programación da V Primavera no Camiño Inglés

Máis de 3.000 persoas tomaron parte na quinta edición da Primavera no Camiño Inglés, celebrada hoxe na alameda de Góis de Sigüeiro (Oroso). Unha iniciativa organizada pola Asociación de Concellos do Camiño Inglés, en colaboración coa Deputación da Coruña, para poñer en valor os múltiples atractivos etnográficos, culturais, naturais e gastronómicos desta ruta, que conecta Ferrol e A Coruña con Santiago de Compostela.

Aprazada a V Primavera no Camiño Inglés ao domingo 12 de xuño

A Asociación de Concellos do Camiño Inglés acordou hoxe o aprazamento da quinta edición de Primavera no Camiño Inglés, prevista para este sábado 4 de xuño en Sigüeiro (Oroso). Unha iniciativa que terá lugar no mesmo emprazamento o vindeiro domingo 12 de xuño.

Sigüeiro acolle a V Primavera no Camiño Inglés, que promove os atractivos etnográficos, gastronómicos e culturais dos 18 municipios polos que pasa esta ruta

A alameda de Góis en Sigüeiro (Oroso) acollerá este sábado 4 de xuño a quinta edición de Primavera no Camiño Inglés, unha iniciativa promovida pola Asociación de Concellos do Camiño Inglés, en colaboración coa Deputación da Coruña e o Concello de Oroso, para poñer en valor os múltiples atractivos etnográficos, culturais, naturais e gastronómicos desta ruta xacobea que conecta A Coruña e Ferrol con Santiago de Compostela.

A UDC abre unha liña editorial sobre o Camiño de Santiago en colaboración coa Asociación de Concellos do Camiño Inglés

O reitor da Universidade da Coruña, Julio Abalde, e o presidente da Asociación de Concellos do Camiño Inglés, Manuel Mirás, asinaron esta mañá na Reitoría un convenio de colaboración. Por este acordo, o Servizo de Publicacións da UDC abrirá unha liña editorial sobre o Camiño de Santiago, que inaugurará unha publicación sobre o Camiño Inglés, da autoría de Cristóbal Ramírez.