Desde o descubrimento do sepulcro do Apóstolo, os chamados portos de Santiago de Compostela reciben peregrinos de toda Europa, principalmente desde Inglaterra e Irlanda, que desexan acudir á cidade xacobea. O camiño marítimo non é de fácil percorrido, xa que o máis novo dos océanos acompaña ao peregrino con ventos e temporais de maneira imprevista durante a súa expedición. Pero unha vez alcanzada a terra, Galicia abraza ao peregrino aínda axitado pola idas e voltas da viveza atlántica.

Agora é o momento de comezar unha aventura inesquecible seguindo as pegadas desas xentes do norte que arribaron as costas galegas con destino Santiago. O Camiño Inglés é unha oportunidade de indagar na identidade máis bravía das rutas marítimas xacobeas, coa gastronomía e a autenticidade como compás desta travesía.